រដ្ឋមន្រ្តីព័ត៌មាននឹងដឹកនាំសន្និសីទសារព័ត៌មាន ដើម្បីផ្សព្វផ្សាយ និងដាក់ឱ្យប្រើប្រាស់ "ធម្មនុញ្ញវិជ្ជាជីវៈសារព័ត៌មានកម្ពុជា” នៅថ្ងៃស្អែកនេះ
រាជធានីភ្នំពេញ៖ ក្រសួងព័ត៌មាន នាថ្ងៃទី០៥ ខែសីហា ឆ្នាំ២០២៤នេះ បានធ្វើការជូនដំណឹងដល់អ្នកសារព័ត៌មានជាតិ អន្តរជាតិ និងប្រព័ន្ធផ្សព្វផ្សាយទាំងអស់ថា ក្រសួងនឹងរៀបចំសន្និសីទសារព័ត៌មាន ដើម្បីផ្សព្វផ្សាយ និងដាក់ឱ្យប្រើប្រាស់ "ធម្មនុញ្ញវិជ្ជាជីវៈសារព័ត៌មានកម្ពុជា” ដែលនឹងប្រព្រឹត្តទៅនៅថ្ងៃទី៦ ខែសីហា ឆ្នាំ២០២៤ វេលាម៉ោង ៣:០០ នាទីរសៀល នៅសាលសវនាការវាំងឈើ នៃទីស្តីការក្រសួងព័ត៌មាន ក្រោមអធិបតីភាពលោក នេត្រ ភក្ត្រា រដ្ឋមន្ត្រី ក្រសួងព័ត៌មាន។
សេចក្ដីជូនដំណឹងដដែលបញ្ជាក់ថា អ្នកសារព័ត៌មានជាតិ និងអន្តរជាតិ ដែលមានចំណាប់អារម្មណ៍ចូលរួមសន្និសីទសារព័ត៌មាននេះ អាចទំនាក់ទំនងចុះឈ្មោះតាមរយៈ កញ្ញា បូរិន សុភាវុទ្ធតី អនុព័ន្ធសារព័ត៌មាន តាមរយៈទូរស័ព្ទលេខ៖ +៨៥៥ ១០ ៤៥៦ ៤៨៨ (តេឡេក្រាម) នាថ្ងៃទី៦ ខែសីហា ឆ្នាំ២០២៤ មុនម៉ោង ១២:០០នាទីថ្ងៃត្រង់៕
